Waqt to lagta hai
Apne pyaar ko bhulne mein,waqt to lagta hai Jakham hai hare hare bharne mein, waqt to lagta hai
Zindgi barbad kr li apni,ek ajnabi shakhs ke liye Sambhalne mein, waqt to lagta hai
Khush hone ki vajah talaashti phir rhi hu, dhokha diya hai humdard ne mujhe us humdard ko bhulne mein, waqt to lagta hai
Zindgi man baithi thi jise apni,ab ban gyi hai maut ka paigaam Us maut ke muh se nikalne mein, waqt to lagta hai
Naam jiske har saans, likhdi thi maine un saanso ko ukhadne mein, waqt to lagta hai mana liya karti thi jise main pad padkar piche, galti chahe kisi ki ho us insaan se roothne mein, waqt to lagta hai
Jo har duaa mein shamil tha mere, jiske liye sajde har jagah kiye dil ki us murat ko phir se patthar banne mein, waqt to lagta hai
Gungunaya har waqt jise, surile tarano ki tarah gungunaye un geeto ko phir se bhulane mein, waqt to lagta hai maan liya pyaar nhi tha usko mujhse, lekin kitna pyaar tha usse mujhe un yaado ko sang jiye un lamho ko anjana bnane mein, waqt to lagta hai
Jiya nhi jata jiske bina ek pal bhi mujhse, dur hona hai usse mujhe is duri ka rasta dikhane mein, waqt to lagta hai
Aadat si ho gyi ho agar kisi gair ke sath udne ki us ajnabi parinde se khud ki aazadi pane mein, waqt to lagta hai
Royi hu pal pal jiske liye din raat, naa jane kitni ninde kurbaan ki un aansuon ko sookh jane mein us nind ka karz chukane mein, waqt to lagta hai
A khuda kisi insaan ko itna naa tadpaya kar, kisi ek insaan ke khatir khuda hue insaan ko phir se insaan bnane main, waqt to lagta hai
Ab soungi jee bhar ke gahri nind mein jagti thi jiske khwabon ke liye,jb vo khwaab hi nhi rhe phir se kisi ke liye apne sapne bnane mein, waqt to lagta hai
Apne pyaar ko bhulne mein,waqt to lagta hai jakham hai hare hare bharne mein,waqt to lagta hai
Lajwab 👍
ReplyDeleteWell done
ReplyDelete